పోర్ట్ లో ప్రమాదం.. ఒకరు మృతి

553

భారీ ఓడలనుంచి సరుకులు కిందకు దించేందుకు ఉపయోగించే ఆఫ్ షోర్ క్రేన్లు రెండు కుప్పకూలి పడిపోవడంతో కాకినాడ డీప్‌ వాటర్‌ పోర్టులో భారీ ప్రమాదం జరిగింది. ఈ ఘటనలో ఒకరు మృతిచెందగా.. 10 మందికి గాయాలయ్యాయి. శిథిలాల కింద మరికొంత మంది కార్మికులు చిక్కుకున్నారు. ప్రమాదంలో మృతిచెందిన కార్మికుడిని పశ్చిమగోదావరి జిల్లా కొవ్వూరుకు చెందిన వట్టిపల్లి లక్ష్మణ్‌ కుమార్‌ (35)గా గుర్తించారు. గాయపడిన మరో కార్మికుడు పోతిలేడి ప్రసాద్‌ పరిస్థితి విషమంగా ఉంది. ఇటీవల సంభవించిన తుపాను కారణంగా దెబ్బతిన్న క్రేన్‌ను మరమ్మతు చేస్తుండగా ఈ ప్రమాదం జరిగింది. క్షతగాత్రులను స్థానిక ఆస్పత్రికి తరలించారు. భారీ క్రేన్లు కుప్పకూలిపోవడంతో అక్కడి కార్మికులు భయభ్రాంతులకు గురయ్యారు. కాకినాడ సీ పోర్టు లిమిటెడ్‌ (కేఎస్‌పీఎల్‌) సిబ్బంది సహాయక చర్యలు చేపట్టారు.

2912brk-kakinada1